Asante Sana Ndugu PAT NANYARO (@nanyaro_) Kwa Darasa Hili Muhimu

Moja ya kumbukumbu na fundisho muhimu wakati ninaelekea kuuaga mwaka 2012 na kuukaribisha mwaka mpya 2013 ni tweet hii ya ndugu yangu Pat Nanyaro 

To @Dinahicious na @Chahali, my wish is not to carry our e-Differences to 2013? Yaishe, Tuyazike! (Someone Manual RT this Please)

Tweet hii ilinigusa sana, na ninapenda kukiri kuwa imenifanya nitafakari upya kuchukua maamuzi nikiongozwa na hisia badala ya busara. Kuna tofauti kidogo zilijitokeza huko nyuma, na baadaye zikapelekea kuathiri uhusiano kati yangu na Bwana Nanyaro (i.e. mimi nilikuwa ninam-follow na yeye alikuwa anani-follow pia).

Cha muhimu hapa si kilichotokea hadi kupelekea kuathirika kwa mahusiano yetu bali ni funzo kubwa nililiopata kutoka kwake. Naomba kukiri kuwa mara kadhaa nilikuwa najilaumu kwa maamuzi yangu ya haraka yaliyopelekea kudhoofu kwa mahusiano yetu,hasa kwa vileBwana Nanyaro alimudu kuweka tofauti zetu za Twitter pembeni na tukawa tuna-interact huko Instagram.

Hivi ni wangapi kati yetu wanaoweza kufanya kitendo cha kijasiri kama cha Bwana Nanyaro hususan katika siku muhimu kabisa kwa kila binadamu, yaani siku ya mwisho wa mwaka na mwanzo wa mwaka mwingine? Sio tu kuwa tweet hiyo ya Bwana Nanyaro ilinigusa sana bali pia ilinifanya nijiskie aibu,kwani katika maisha yangu binafsi nimekuwa mpatanishi wa watu mbalimbali.

KWAKO NDUGU YANGU NANYARO, NINASEMA ASANTE SANA KWA DARASA HILI MUHIMU LA UKUBWANI ULILONIPATIA. NIMEJIFUNZA KITU KIKUBWA SANA KUTOKA KWAKO. 

NILIELIMIKA VYA KUTOSHA KUPITIA KWAKO WAKATI MAHUSIANO YETU YALIPOKUWA SAWIA, NA SIONI AIBU KUSEMA KUWA NILIJIPUNJA KWA KIASI KIKUBWA KATIKA KIPINDI CHA KUTOELEWANA, NA KATIKA SIKUCHACHE HIZITU TANGU TUREKEBISHE KASORO ZETU NIMEJIFUNZA MENGI KUPITIA TWEET ZAKO.

MWISHO, KAMAAMBAVYO HUKUTANGULIZA UBINAFSI WAKATI UNATOA RAI YA KUZIKA TOFAUTI ZETU, NAMI NAWEKA KANDO AIBU NA KUKIRI KUWA NILIPOTOKA ILA UMENISAIDIA KUREJEA NJIA STAHILI.

ASANTE SANA KWA HILO.